Kom við í ein lesiring!
Dámar tær væl at lesa bøkur? Og vilt tú fegin práta við onnur um tína lesiuppliving? So kom og ver við í einum lesiringi.
Mánakvøldið 7. september kl. 18.30–20.00 hittast lesiringarnir aftur fyrstu ferð eftir summarfrítíðina.
Onkrir av verandi lesiringunum halda fram, og nýggir lesiringar verða eisini stovnaðir.
Bókavørðirnir leggja lag á og geva íblástur til bøkur, sum tit kunnu lesa. Tað kann vera alt frá klassikarum og ævisøgum til enskar skaldsøgur – ella okkurt heilt annað.
Kanska finnur tú ein lesiring, ið passar júst til tín?
Øll eru vælkomin.