Filmurin henda mánaðin "Vár, summar, heyst, vetur - og vár"
Framúrskarandi filmurin hjá Kim Ki-Duk sæst nú á Filmstriben fyri 0 stig.
Eftir bókasavnið
"Vár, summar, heyst, vetur - og vár" (2003) er ein koreanskur filmur. Ein munkur og næmingur hansara búgva í einum templi, ið flýtur á vatninum og er umgirt av stórbæru náttúruni. Karmurin er einfaldur, men kortini greiðir filmurin frá nøkrum samansettum: Hetta er søgan um eitt menniskjalív - frá sakloysi til lívsroyndir, frá mistøkum til sannkenning.
"Vár, summar, heyst, vetur - og vár" er ein stillførur filmur, men tað stilla ger ikki filmin minni áhugaverdan. Undir vøkru myndunum av vatni, trøum og mjørka liggur ein støðugur ófriður. Filmurin lýsir menniskjans tráan og sviða og gerðir, ið áhaldandi fylgja okkum.