Bøkur, ið líkjast teimum hjá Lucindu Riley
Skjótt kanst tú læna nýggju bókina "Den sidste kærlighedssang" eftir Lucinda Riley á bókasavninum. Men meðan tú bíðar, viðmæla vit aðrar skaldsøgur, sum líkjast.
Eftir bókasavnið
Skaldsøgurnar eftir Lucindu Riley eru týddar til fleiri enn 30 ymisk mál. Tað er vónríkur og hjartanívandi romantikkur, ið eyðkennir bøkurnar hjá Riley. Tær eru undirhaldandi og eru á tremur við kærleika, familju, eydnu, missi og sviða.
Serliga er Lucinda Riley kend fyri røðina “De syv søstre”. Hon náddi ikki at geva út áttanda og seinasta bindið í røðini, tí hon gjørdist sjúk av krabbameini og andaðist í 2021. Men sonurin Harry Whittaker fekk sett saman handritið, hon hevði arbeitt við, og gav tað út. Bókin fekk á donskum heitið: "Atlas: Historien om Pa Salt".
Hevur tú lisið bøkurnar eftir Lucindu Riley, kennir tú eisini røðina "De syv søstre".
Tað er eisini Harry Whittaker, ið hevur umskrivað og endurnýggjað bókina "Losing You", og givið hana út av nýggjum við heitinum "The Last Love Song". Lucinda Riley gav út "Losing You" í 1997 undir navninum Lucinda Edmonds, sum hon æt, til hon í 2000 giftist við Stephen Riley. Bókin kom fyrr í heyst út á donskum við heitinum "Den sidste kærlighedssang".
Skjótt verður “Den sidste kærlighedssang” tøk á bókasavninum, men samstundis viðmæla vit aðrar skaldsøgur, ið líkjast, og sum tú kanst lesa, meðan tú bíðar.