Leikasavnið
Tú kanst læna leikur á Býarbókasavninum. Tað er best at bíleggja leikuna á heimasíðuni, og so fært tú eini boð, tá hon er klár at heinta. Men eisini ber til at koma á bókasavnið at spyrja eftir leikunum.
Lánitíðin er 1 mánaður.
...
Her á síðuni finnur tú eitt breitt úrval av øllum leikunum, ið eru bólkaðar í ymsar bólkar.
Eisini hava vit gjørt eina leiting í bókasavnsskipanini, sum gevur yvirlit yvir allar leikurnar, sum bókasavnið hevur: Leikur á Býarbókasavninum
Meira um Leikasavnið
Føroya fyrsta almenna leikasavn læt upp á Býarbókasavninum 15. juni 2018.
Leikasavnið er partur av átakinum Grøna leiðin, sum er sett í verk sambært umhvørvispolitikkinum hjá Tórshavnar kommunu, har greið mál eru sett um økta býtisnýtslu. Ein arbeiðsbólkur hjá kommununi umboðandi Býarbókasavnið og Umhvørvisdeildina mentu verkætlanina.
Dentur er lagdur á at keypa inn dygdargóðar leikur, ið lúka ES-krøvini fyri leikur til børn.
Tað er Náttúru- og umhvørvisnevndin hjá Tórshavnar kommunu, sum fíggjar Leikasavnið, ið er eitt samstarv millum Býarbókasavnið og Umhvørvisdeildina.
Børn og avvarðandi í Tórshavnar kommunu hava tikið væl ímóti hesum tilboði.