Bøkur
Bøkur

Starvsfólk til Býarbókasavnið

Kort nyt
02.02.21
Søkt verður eftir einum starvsfólki til Býarbókasavnið at arbeiða 27 tímar um vikuna frá 1. mars 2021 ella skjótast til ber.

Høvuðsuppgávurnar fevna um klárgering av bókasavnstilfari, einamest plasting av bókum. Harumframt skalt tú arbeiða í avgreiðsluni, har tú skalt taka ímóti viðskiftafólki og veita teimum ymiskar tænastur. Avgreiðsluarbeiðið er skipað í vaktum gerandisdagar millum kl. 8-18. Harumframt verður eisini arbeitt ávísar leygar- og sunnudagar. Sum starvsfólk tekur tú eisini lut í øðrum skiftandi uppgávum á stovninum.

Førleikar

Starvið krevur onga formliga útbúgving, men tað er umráðandi, at tú hevur gott handalag, hevur teldukunnleika á brúkarastøði, er fyrikomandi og tænastusinnað/-ur, soleiðis at viðskiftafólk altíð kenna seg í góðum hondum.

Setanartreytir

Starvið verður sett sambært sáttmála millum Kommunala Arbeiðsgevarafelagið og Starvsmannafelagið.

Umsóknin

Umsóknin skal, saman við møguligum prógvum og viðmælum, sendast til torshavn@torshavn.fo í seinasta lagi fríggjadagin 19. februar 2021 kl. 12. Merk umsóknina »Starvsfólk til Býarbókasavnið«.

Fyrispurningar um starvið kunnu setast Vónbjørt Vang, býarbókavørði, á vonbjortv@bbs.fo og Fridu Kunoy, avgreiðslusamskipara, á frida@bbs.fo, ella við at ringja 302030.

Býarbókasavnið er eitt bókasavn í hjartanum á Havnini og er størsta fólkabókasavn í landinum. Um árið koma áleið 100.000 vitjandi inn um dyrnar á Býarbókasavninum. Starvsfólkini eru í løtuni 14 í tali.