Týðarin kom í 60 ára føðingardag hjá Emil í Lønnibergi

Bästa Heini F. Petersen, ...

Soleiðis byrjar brævið frá Astrid Lindgren til føroyska týðaran av fyrstu føroysku útgávuni av Emil í Lønnibergi. Heini og konan vóru komin úr Sandavági í 60 ára føðingardag hjá Emil, sum varð hildin á barnabókasavninum í dag. Við sær hevði hann eitt av trimum brøvum, sum hann fekk frá Astrid Lindgren í 1971. Brævið, sum er skrivað á skrivimaskinu, er vinarliga orðað. Tað sæst, at Astrid Lindgren er hjálpsom og fegin vil hava bókina týdda til føroyskt. Heini fortaldi okkum, at hon var sera lagalig, tá tað kom til gjald fyri rættindir.

Á myndini síggja vit Heina og brævið frá Astrid Lindgren við hennara undirskrift.

Hetta var ein forkunnug vitjan og eitt forkunnugt bræv. Takk fyri vitjanina, Heini og Marna!