Okkurt, sum líkist Captain Underpants

Amerikanski rithøvundurin og teknarin Dav Pilkey hevur skrivað bókaraðið um Captain Underpants, sum hevur fleiri enn 15 ár á baki. Framvegis er raðið sera væl umtókt, og Býarbókasavnið hevur nýliga fingið nýggju litløgdu útgávuna av bókaraðnum á enskum.

Tá børnini hava lisið alt raðið, er næsti spurningurin: “Hava tit nakað annað rað, sum líkist Captain Underpants?” – og svarið er til alla lukku “Ja, fleiri!”. Vit hava gjørt hetta yvirlitið, sum vendir sær til øll børn, sum elska klikkaða og fantasifulla huglagið í Captain Underpants og hava hug at royna seg við øðrum bókum, sum minna um.