Barnaval 2022
Barnaval er útskrivað á Býarbókasavninum
Kort nyt
Vallyftini eru fjølbroytt, tey snúgva seg m.a. um svimjihylar, Anders And á føroyskum, kjelidjór, meira tíð saman við ommum og langommum, og valevnini eru kend úr barnabókunum.
Mánadagin 28. november verður atkvøðukassin settur upp á barnabókasavninum, og tað fer at bera til at atkvøða til 8. desember kl. 20, tá valstaðið letur aftur. Atkvøðuseðil fæst á valstaðnum, og valrætt hava øll, sum eru 12 ár og yngri og ómyndig.
Áðrenn valið fara valevnini at seta upp valplakatir á Býarbókasavninum og nærhendis.
Endamálið við barnavalinum er at læra børnini um demokratisku tilgongdirnar á stuttligan hátt, samstundis sum ljós verður varpað á barnabókmentir.
Valnevndin vónar, at luttøkan verður góð, av tí at hetta er ein fortreyt fyri eitt umboðandi valúrslit. Vinnandi valevnið fer at fáa ávirkan á Býarbókasavnið komandi tíðina.
Materials