Arena

Flaggdagin 25. apríl er bókasavnið stongt.

Hósdagin 26. apríl er bókasavnið
opið sum vant frá kl. 9 til 21.

Dýra biðidag 27. apríl er bókasavnið stongt.

Vælkomin til Sambinding á Býarbókasavninum
týskvøldið 10. apríl kl. 19³⁰-21³⁰.

Tilflytarar, sum ikki duga stórvegis føroyskt, hava møguleika at byrja kvøldið við ókeypis málskeiði kl. 19⁰⁰-19³⁰.

(Press the British flag in top right corner for English version)

Frá týsdegnum 3. apríl er aftur opið sum vanligt.

Vit ynskja øllum einar gleðiligar páskir.

Hvønn dag frá 25. til 28. mars er páskahugni á barnabókasavninum, har kartong, lím, skabelónir og annað tilfar liggur frammi á stóra borðinum.

Øll kunnu vera við, stór sum smá, og tað er ókeypis.

Sløkkið ljósini 24. mars kl. 20³⁰.

Earth Hour er tímin, tá fólk kring allan heim varpa ljós á veðurlagsbroytingar við at sløkkja streymin.

Í hesum sambandi skipar Tórshavnar kommuna fyri hugnaligum tiltaki í Tinghúsgarðinum í Havn kl. 20⁰⁰-21³⁰.

Skrá
20⁰⁰ Earth Hour-teltið á Vaglinum letur upp
20²⁰ Turið Horn, forkvinna í náttúru- og umhvørvisnevndini, heldur røðu
20³⁰ Ljósið verður sløkt – Vit gera í felag eitt 60+tekn við ljósum úr tálg
20³⁵ Kórið Xperiment syngur
20⁵⁰ Lívfrøðingurin, lærarin og rithøvundurin Magnus Gaard hugleiðir um lívfrøðiligt margfeldi
21⁰⁵ Kórið Xperiment syngur
21¹⁵ Tónleikur við Marius Ziska á Býarbókasavninum

15 ára gamla Elinborg Weihe Thomassen er í starvsvenjing á Býarbókasavninum í løtuni. Hon hjálpir til við øllum møguligum, sum er at gera á bókasavninum. M.a. hevur hon hjálpt við velja nýggjar bøkur út og eisini hjálpt til við at skipa fyri Bókakafé.

Elinborg gongur í 9. flokki í Hoyvíkar skúla. Henni dámar væl at lesa, og hon er serliga glað fyri gotiskar bókmentir so sum Edgar Allan Poe og Bram Stoker, og eisini dámar henni at lesa bøkur um sálarfrøði. Vit bjóða Elinborg vælkomnari í starvsvenjing.

Manglar tær íblástur til hvørja bók, tú skalt fara í holt við, nú várið er í hondum?

Kom á bókakafé hósdagin 15. mars kl. 17-18.

Á bókakaféini geva bókavørðir lesiprei til heilt røttu bøkurnar til tín.

Bókasavnið bjóðar okkurt at leska sær við, og við tær heim fært tú eisini ein bókalista til íblástur.

Tak niður bókalistan

Álvafljóð, dandisfrýr, liljuvond, leikalindir, havfrýr og snekkjur eru nøkur av orðunum, sum lánarar kunnu renna seg í á bókasavninum. Bókasavnið setur kvinnuna og gentuna í miðdepilin í dag, 8. mars, altjóða kvinnudagin við eini framsýning av bókum um og eftir kvinnur.

Tvær framsýningar eru á Býarbókasavninum, ein til vaksin og ein til børn, har vit hava funnið fram bøkur um og eftir kvinnur og gentur.
Kring bókasavnið eru nógvar bøkur framsýndar á stúttum og hillum, og eisini har hava vit roynt at sett kvinnurnar í miðdepilin. 

Týskvøldið 6. mars verður aftur Sambinding á Býarbókasavninum.

Vit fáa okkum ein drekkamunn og hugna okkum saman, og hetta kvøldið er eisini møguleiki at luttaka í málkafé á føroyskum ella donskum.
Málkafé er ein øðrvísi háttur at venja mál, og um undirtøka er fyri tí, er ætlanin at skipa fyri afturvendandi málkaféum á Býarbókasavninum komandi tíðina.

Les meira um Sambinding Tórshavn

(Press the British flag in top right corner for English version)