Faroese Faroese English English

Opið er

Mánadag-hósdag kl. 9-21
Fríggjadag kl. 9-18
Leygardag kl. 10-16
Sunnudag kl. 14-17

Telefon 302030
svarar frá kl. 10

bbs@bbs.fo

Nýggjastu metingar
52309948
Loading...
52721059
Loading...
Nýggjastu ummæli
52990378
Loading...
51027922
Loading...
52629799
Loading...
52568471
Loading...
Flest ummæli
28902239
Loading...

Føstulávintsklipp

SkorturHvønn dag frá mikudegnum 7. februar til mánadagin 12. februar klippa vit grýluskortar á barnabókasavninum, har kartong, lím, skabelónir og annað tilfar liggur frammi á stóra borðinum.

Øll kunnu vera við, stór sum smá, og tað er ókeypis.

 

Fyrsta Sambinding í 2018

Sambinding

Reyði Krossur Føroya skipar fyri Sambinding á Býarbókasavninum:

Týskvøldið kl. 1930-2130 hittast vit á Býarbókasavninum at hugna okkum saman við føroyingum úr øllum heiminum.

Kvøldið byrjar kl. 19 við málskeiði í føroyskum fyri tilflytarar, sum ikki duga stórvegis føroyskt.

Sharon Christiansen, sum er ættað úr India, fortelur okkum, hvussu hon upplivdi tað at flyta til Føroyar fyri nógvum árum síðani.

Endamálið við Sambinding er at fremja integratión og sambandið millum nýggjari og innføddar føroyingar.

Verið vælkomin.

Síggj skránna fyri várið her

Vetrarskøld 3. februar kl. 20.30

Vetrarljós 2018

Vetrarljós 2018 verður leygardagin 3. februar í Havn. Í stuttum er tað dagurin, har Havnin bjóðar ljósari tíðum vælkomnum við livandi tónleiki og list á ymsum spennandi støðum í býnum. Býarbókasavnið setur eisini sjóneyku á veturin og skøldini.

Vetrarskøld kallast tiltakið, har yrkjarar og høvundar fara at lesa upp úr tekstum, ið á onkran hátt hava okkurt við veturin at gera. Sólrun Michelsen, Oddfríður Marni Rasmussen og Sissal Kampmann koma at lesa upp. Tiltakið byrjar á Býarbókasavninum kl. 2030.

Les alla skránna fyri Vetrarljós 2018

Broyttar sektir frá 1. januar 2018

PengarFrá 1. januar 2018 eru sektirnar hjá Býarbókasavninum broyttar.

Fyri at lata inn ov seint verða enn sum áður kr. 20 at gjalda. Verður farið meira enn 14 dagar út um lánitíðina, verða nú kr. 70 at gjalda.
Verður lán ikki afturborið, verða nú kr. 140 at gjalda í umsitingargjaldi, umframt endurgjald fyri mista tilfarið. Sama er fyri oyðilagt ella burturmist lán.
Fer skuldin hjá lánara upp um kr. 500, kann rætturin at læna fella burtur, til skuldin er goldin.

Sektirnar vórðu seinast broyttar í 2008. Tað er Tórshavnar Býráð, sum ásetir sektirnar hjá Býarbókasavninum.

Lestrarhøli í jólafrítíðini

Niels Finsens gøtaAftur í ár kunnu lesandi arbeiða á bókasavninum um jólini. Lestrarhølini verða á ovastu hæddini og verða latin lesandi burturav frá 12. desember til 15. januar. Hetta er triðju ferð, at tænastan verður á Býarbókasavninum um jóltíðir.

Hetta er eitt tilboð til teirra, ið eitt nú eru heima í jólafrítíðini og hava tørv á einum friðarligum staði at lesa og arbeiða.

Lestrarhølini verða opin, tá ið Býarbókasavnið er opið. Fyrsta dagin verður latið upp kl.13.

Les meira her

Jólasambinding týskvøldið 12. desember

Jólastjørna

Seinasta Sambinding í ár verður
týskvøldið 12. desember kl. 1930-2130
á Býarbókasavninum.

Guðrið Patursson og Bjørk Sigurðsdóttir Lamhauge syngja jólasangir fyri okkum. Eisini syngja vit jólasangir, bæði føroyskar og enskar.

Vit gera jólapynt, og binda og práta annars, akkurát sum vit plaga :)

Øll eru vælkomin, og tiltakið er ókeypis.

 

Press the British flag in the top right corner for English version

Nýggj plakat um fake news

Eru tað følsk tíðindi?Meir enn nakrantíð eru vit undirdíkt við følskum tíðindum, alternativum fakta og postfaktuellum sannleikum, sum gera tað trupult at skyna á, um tíðindi eru álítandi.

Hvussu kunnu vit lættast meta um,
um talan er um fake news?

Bókasøvn kring varpa ljós á hugtakið fake news - følsk tíðindi. At duga at hugsa kritiskt er lykilin til at ogna sær vitan. 

Føroysk bókasøvn og NÁM hava í felag framleitt føroysku útgávuna av plakatini, sum altjóða bókasavnssamtakið IFLA hevur gjørt.
Við átta einføldum myndum og leiðreglum kanst tú meta um, um talan er um fake news.
Vónin er, at plakatin eggjar til kjak og økir um tilvitanina um evnið fake news.

Fleiri eintøk av plakatini fáast við at venda sær til Býarbókasavnið. Tú kanst eisini taka plakatina niður í pdf-sniði, so plakatin kann prentast í minni støddum.

Manglar tær íblástur til vetrarlesnað?

VetrarbókakaféKom á vetrarbókakafé á Býarbókasavninum

hósdagin 30. november kl. 17

Vetrartíð er lesitíð, men kanska manglar tær íblástur til, hvørja bók tú skalt fara í holt við í vetrarmyrkrinum?

Á vetrarbókakafé geva bókavørðir á Býarbókasavninum lesiprei til heilt røttu bøkurnar til veturin.

Bókasavnið bjóðar okkurt at leska sær við, og við tær heim fært tú eisini
ein bókalistatil íblástur.

Tak bókalistan niður her

Alvi og Glitursuttan

 Alvi og glitursuttan
Upplestur verður á barnabókasavninum leygardagin 2. desember kl. 14.

Rógvi Dam lesur nýggju barnabókina Alvi og glitursuttan, sum Laura Dam Joensen hevur skrivað.

Olga Kruse hevur myndprýtt bókina.

Tiltakið er ókeypis.

Ársins bókapermur 2017

Tær bygdu landÍ sambandi við Bókadagar, ið vóru í Norðurlandahúsinum 24.-26. november, vóru ársins bókapermur kosnar.

Kappast varð í tveimum bólkum: bøkur til vaksin og barna- og ungdómsbøkur, og vinnandi permurnar vóru Tær bygdu land og Alvi og glitursuttan.

Les meira her

 
 
Rís og rós
Sig okkum tína meining um bókasavnið, ella um tú heldur, at okkurt kundi verið betri
* Kravdur teigur
*
*
*
*
Nýggj/ur á bókasavninum
Bókaberin - eitt gott tilboð Bókaberin - eitt gott tilboð

StandmyndTil tín, sum ikki hevur møguleika at koma á bókasavnið

Sambinding várið 2018 Sambinding várið 2018

Reyði krossur hevur
Sambinding á bókasavninum
týskvøld kl. 1930–2130

6. februar
6. mars
10. apríl
8. mai
5. juni

Kom kl. 19 og
lær okkurt føroyskt
á byrjanarstøði

Øll eru vælkomin!

Bókasavnsslóðir Bókasavnsslóðir

Niels Finsens gøtu 7 - 100 Tórshavn - Tel 302030 - bbs@bbs.fo