Reglugerð

Lánarakort

LánarakortNeyðugt er at hava lánarakort og loynital.
Fyri at fáa lánarakort kann samleikaprógv krevjast.
Børn undir 13 ár skulu hava skrivligt loyvi heimanífrá. Útfyllingarkort fæst á bókasavninum.
Lánarakortið er persónligt, og lánarin hevur ábyrgd av tí, ið lænt er. Um lánarakortið verður burtur, kostar tað 30 kr. fyri vaksin og 20 kr. fyri børn at fáa nýtt.
Boðast skal frá, um broytingar eru í persónsupplýsingunum.

Lánitíðin

Lánitíðin er vanliga ein mánaður. Um eingin annar hevur bílagt tilfarið, kann lánið endurnýggjast, tó í mesta lagi 3 ferðir.
Lánitíðin fyri dvd-filmar er ein vika, og lánið kann endurnýggjast eina ferð, um eingin annar hevur bílagt filmin.
Verður farið út um lánitíðina, verða 20 kr. at gjalda. Verður farið meira enn 14 dagar út um lánitíðina, verða 40 kr. at gjalda. Hetta er galdandi, hóast áminning ikki er send.

Endurgjald

Endurgjald verður at gjalda fyri lán, sum ikki verður afturborið, og somuleiðis fyri oyðilagt og burturmist tilfar. Umsitingarútreiðslurnar eru 80 kr.
Fer skuldin upp um 300 kr., kann rætturin at læna falla burtur, til skuldin er goldin.

Bílegging

Til ber at bíleggja bøkur og annað. Fráboðan verður send, tá tað bílagda er tøkt.

Dvd-filmar

Aldursmarkið at læna filmar til vaksin er 13 ár.

Teldur

Drongur við telduTað er ókeypis at nýta teldurnar og internetið.
Friðarligt skal vera við teldurnar.
Aldursmarkið fyri at nýta internetteldur er 13 ár.
Printari er til summar teldur. Avrit kosta 1 krónu fyri arkið.
Ikki er loyvt at broyta uppsetingar.
Ikki er loyvt at nýta teldurnar til ólóglig endamál.

Niels Finsens gøtu 7 - 100 Tórshavn - Tel 302030 - bbs@bbs.fo