Barn byggir duplo

Spælistovan er týsdag og hósdag kl 10-12

Stutt tíðindi
Rithøvundur: Hanne Magnussen
03.09.19
Spælistovan Blóman er flutt oman á Býarbókasavnið og er hvønn týsdag og hósdag kl. 10-12 á barnabókasavninum.

Spælistovan er ætlað børnum, ið ikki ganga á dagstovni, og foreldrum teirra.

Ætlanin við spælistovuni er, at foreldur, avvarðandi og børn kunnu koma og njóta samveru við onnur vaksin og børn við spæli, hugna og práti. Tiltakið er eisini væl egnað til teirra, sum eru í kommununi í styttri ella longri tíðarskeið, uttan at barnið hevur kommunalt dagstovnatilboð.

Í spælistovuni kunnu bæði vaksin og børn hitta onnur í somu støðu, og á henda hátt er tað eitt gott høvi at samantvinna barnaspæl og prát millum tey vaksnu.

Spælistovan verður 4. september 2019 ábyrgdarøki hjá Býarbókasavninum.