Føroyskar ljóðbøkur til børn og ung á eReolen GO!

eReolen GO! er ein sjálvstøðug síða undir eReolen, sum inniheldur alt barnatilfarið frá eReolen, sum er miðlað til børn og ung í aldrinum 7-14 ár.

Endamálið við eReolen GO! er at stimbra lesihugin og lesiførleikan hjá børnum við einari einfaldari atgongd til talgildar bøkur á snildfonum og teldlum.

Við lánarakorti frá Býarbókasavninum ella einum øðrum føroyskum bókasavni kanst tú læna bøkur á eReolen GO!.

Fyri at leita eftir tilfar á føroyskum, skalt tú tøppa sp=fao.
Tað ber eisini til at tøppa *  (stjørna, einki annað) ella ma=ly inn í leititeigin. Sálda síðani leitiúrslitið við at trýsta á "SPROG" ella "Filtrer" og velja føroyskt mál.

Tað eru forløgini, ið hava givið prentaðu bøkurnar út, sum leggja ljóðbøkurnar á eReolen, so vónandi veksur talið av føroyskum ljóðbókum skjótt!