Bókin eitur: Breaking Dawn

Bókin er skrivað av: Stephenie Meyer

Hetta haldi eg um bókina: Breaking Dawn er fjórða og síðsta bókin í røðini um Isabellu Swan, sum er forelskað í Edward Cullen, einum vampýri, og bestivinur hennara er varúlvurin, Jacob Black.

Fyrru bøkurnar í røðini eita Twilight, New Moon og Eclipse. Tað ber til at lesa bøkurnar sjálvstøðugar, men eg haldi at tú fært mest burturúr, um tú veitst, hvat er hent áðrenn, og so skilur tú betri persónarnar.

Tað er altíð onkur, ið liggur Isabellu Swan eftir lívinum, og í hesi bókini møtir hon aftur nøkrum vampýrum, sum vilja drepa hana og ikki bara hana, men eisini familjuna hjá henni.

Bókin fangar lesaran beinavegin í fyrsta parti og allan vegin gjøgnum bókina.

Eg sigi ikki so nógv um, hvat hendi í sjálvi bókini av tí, at eg kann koma til at gera bókina minni spennandi fyri lesaran og ikki minst taka nakað av spenninginum gjøgnum hinar bøkurnar eisini.

Bókin er á enskum. Men Twilight og New Moon eru eisini á donskum, og Eclipse kemur út fyrsta dagin á donskum eisini.

Stephenie Meyer dugir at fanga lesaran og veit, hvussu tú fært lesaran til at vilja lesa meiri, sjálvt tá ið bókin endar.

Bókin er góð og hon er verd at lesa.

Slag av bók: Fantasy

Karakterur

Ummælt av: Linda 14 ár Tórshavn